فوتو: Polisia.kz
مەرەكە كٷندەرٸ ينتەرنەت-الاياقتار دا ەرەكەتٸن كٷشەيتەدٸ. ولار ازاماتتاردى جالعان جاڭاجىلدىق اشىقحاتتار, قاۋٸپتٸ فايلدار جەنە باعاسى ەدەيٸ تٶمەندەتٸلگەن سىيلىقتار ارقىلى الداۋعا تىرىسادى. قۇقىق قورعاۋ ورگاندارى قازاقستاندىقتاردى ساق بولۋعا شاقىرادى, دەپ حابارلايدى Ult.kz.
الاياقتار كٶبٸنە انيماتسيياسى مەن مۋزىكاسى بار «قۇتتىقتاۋ اشىقحاتتارىن» جٸبەرەدٸ. فايل اشىلعان سەتتە قۇرىلعىعا ۆيرۋس ەنٸپ, بانك كارتالارىنا, پارولدەرگە جەنە قوسىمشالارعا قول جەتكٸزۋٸ مٷمكٸن.
سونىمەن قاتار ەلەۋمەتتٸك جەلٸلەر مەن مەسسەندجەرلەردە نارىقتاعى باعادان ەلدەقايدا ارزان سىيلىقتار مەن تاۋارلار تۋرالى جالعان حابارلاندىرۋلار جيٸ كەزدەسەدٸ. ساتۋشى جەبٸرلەنۋشٸنٸ اقشانى شۇعىل اۋدارۋعا كٶندٸرٸپ, تٶلەم جاسالعاننان كەيٸن بٸردەن بايلانىسقا شىقپاي قويادى.
مامانداردىڭ ايتۋىنشا, الاياقتار سەنٸمدٸ كٶرٸنۋ ٷشٸن جالعان اككاۋنتتار مەن قولدان جاسالعان پٸكٸرلەردٸ بەلسەندٸ پايدالانادى.
قاۋٸپسٸزدٸك ٷشٸن ازاماتتارعا بەيتانىس ساتۋشىلارعا الدىن الا اقشا اۋدارماۋعا, اككاۋنتتىڭ تاريحى مەن پٸكٸرلەردٸ مۇقييات تەكسەرۋگە, تاۋاردى العاننان كەيٸن عانا تٶلەم جاساۋعا جەنە كٷمەندٸ فايلدار مەن سٸلتەمەلەردٸ اشپاۋعا كەڭەس بەرٸلەدٸ.
ماماندار قاۋٸپسٸزدٸك كەز كەلگەن «تيٸمدٸ ۇسىنىستان» ماڭىزدى ەكەنٸن ەسكەرتەدٸ.
