Jyl saiyn gazdandyrý nysandarynda sapasyz qurylys-montajdaý jumystary faktisi artyp keledi. Bul jaiynda «QazTransGaz Aimaq» AQ málimetinde jariialandy, dep habarlaidy "Ult aqparat".
Taldaý nátijelerine qaraǵanda, merdiger uiymdardyń sapasyz jumysy men gaz qubyry jelisine qyzmet kórsetýge qarjy bólinbeýi gaz taratý jelisiniń buzylýynyń basty sebebi bolyp otyr. Biyldyń 9 aiynda elimizdiń gaz tartylǵan bes óńirindegi qubyrda 2 848 aqaý anyqtalǵan. Gaz taratý jelisi buzylýynyń 95 paiyzy ákimdikter tapsyrysy boiynsha salynǵan turǵyn úi-kommýnaldyq sharýashylyǵy nysandarynda bolǵan. Osy jumystardyń sapasy kóbine talaptarǵa sai kelmeidi jáne qaýip tóndirýi múmkin.
«Kóp jaǵdaida «QazTransGaz» AQ engizgen innovatsiialyq tehnologiialardyń arqasynda tótenshe jaǵdaidyń aldyn alýǵa múmkin boldy. Qazirgi kezde arnaiy avtomobildermen jabdyqtalyp, ondaǵy qurylǵylar 60 metr radiýsta gaz shyǵyp jatqan qubyrdy anyqtai alady», - delingen habarlamada.
Mamandardyń aitýynsha, barsha gaz infraqurylymy strategiialyq nysandar qataryna jatqyzylady. Osy oraida ol eldi mekenderdiń shemasynda tirkeledi. Sonymen birge, jóndeý brigadalarynda qurylys pen jóndeý jumystary júretin oryndy skanerleitin qurylǵylar bolýy kerek. Degenmen TKSh-nyń keibir jergilikti merdigerleri tiisti talaptardy elemei, qaýip tóndiredi.
