Almaty oblysynyń turǵyndary «Meniń týym, Meniń Otanym!» atty respýblikalyq chellendjine qoldaý bildirip, turǵyn úilerdiń qasbetine Qazaqstannyń jalaýyn ilýde, dep habarlaidy "Ult aqparat".
Taldyqorǵan turǵyndarynyń aitýynsha, bul chellendj azamattardyń, ásirese óskeleń urpaqtyń patriottyq sezimin kúsheitýge yqpal etedi.
«Elbasy Nursultan Ábishuly aitqandai, Memlekettik rámizder – bul memleketimizdiń, egemendigimizdiń berik negiziniń biri. Olar Táýelsizdiktiń qasietti beinesin bildiredi. Epidemiologiialyq jaǵdaiǵa qaramastan, biz bul kúnniń mańyzdylyǵyn umytpaýymyz kerek», - deidi 16 qabatty turǵyn úide turatyn Gúlnáz Ermuratova.
Sonymen qatar, qala turǵyndary da kúntizbedegi eń mańyzdy kúndi merekeleý úshin júzege asyrylǵan shyǵarmashylyq isti baǵalady.
«Men osy yqshamaýdannyń turǵynymen. Moiyn sozyp qaraǵanda kók Týymyz kózime ottai basyldy. Óte ádemi kórinedi. Táýelsizdik kúni men memlekettik rámizderge árqashan erekshe mán berýge tiispiz dep sanaimyn», - deidi qala turǵyny Aiaýjan Bolat.
Esterińizge sala keteiik, Táýelsizdiktiń 30 jyldyǵyn merekeleý aiasynda «Meniń týym. Meniń Otanym!» chelendji búkil respýblika boiynsha bastaldy. Bul aktsiiany qazaqstandyqtar oń qabyldady.Olar áleýmettik jelilerde arnaiy jabalarmen, foto jáne beine materialdarmen bólisip, #Moiflagmoiarodina, #MenińtýymMenińelim #TsvetMoeiRodiny heshtegterimen Táýelsizdikke tartýlaryn jariialap jatyr. Aita keteiik, Úkimet qaýlysymen áleýmettik mańyzy bar nysandarǵa jáne turǵyn úilerdiń balkondaryna Memlekettik týdy ilýge ruqsat etilgen bolatyn.
