Búgin Qyzylorda oblysy Syrdariia aýdanynda QR Táýelsizdigi kúnine orai avtosherý uiymdastyryldy. Kók týdy kókke kótergen azamattar ony aýdan ortalyǵy kóshelerimen alyp ótti, dep habarlaidy "Ult aqparat".
«Meniń Týym!» respýblikalyq sharasyna el egemendiginiń 29 jyldyǵyna orai 29 avtokólik qatysty.
Memlekettik týymyz ornatylǵan kólikter aýdan ortalyǵyndaǵy Q.Qazantaev kóshesinen bastap A.Imanov, I.Toqtybaev kóshelerimen júrip ótti.
«Kez kelgen memlekettiń Táýelsizdigin aiqyndaityn qasietti belgiler – memlekettik rámizder. Sol sebepti, rýhymyzdy aspandatar kók bairaǵymyzdy joǵary kótergen sherýshilerdiń basty maqsaty – óskeleń urpaqtyń boiyna patriottyq sezim uialatý», - dedi sharany uiymdastyrýshylar.
