QR Mádeniet jáne sport ministrligi uiymdastyrǵan «Meniń Qazaqstanym» halyqaralyq mýzyka chellendji aiaqtaldy, dep habarlaidy "Ult aqparat".
Án marafony ataqty kompozitor, án óneriniń áigili maitalmany, qazaq estradasynyń negizin salýshylardyń biri, Qazaqstannyń halyq artisi, QR Ánurany áýeniniń avtory Shámshi Qaldaiaqovtyń 90 jyldyq mereitoiyna arnaldy.
Qazaq ən óneriniń bulbuly atanǵan Bibigúl Tólegenova bastaǵan halyqaralyq mýzyka chellendjine əlemniń 30-dan astam memleketinen 1000-nan astam azamat qatysty. Jalpy «Meniń Qazaqstanym» estafetasy 300 myńnan astam kórermendi qamtydy.
Aqtoty Raiymqulova «Meniń Qazaqstanym» chellendjine atsalysqan QR Syrtqy ister ministrligine, alys-jaqyn shet elderdegi qandastarymyzǵa, elimizdegi barlyq kontsert uiymy men jeke oryndaýshyǵa alǵys aityp, «Arys jaǵasynda» ənin tartý etti.
«Mine, Qazaqstannyń Halyq ártisi, áigili kompozitor, Qazaqstan Respýblikasy Ánurany áýeniniń avtory Shámshi Qaldaiaqovtyń 90 jyldyǵyna arnalǵan «Meniń Qazaqstanym» atty án sherýin támamdadyq. Qazaq mýzykasynyń altyn daýysy Bibigúl Ahmetqyzy Tólegenova bastaǵan mýzykalyq marafon birligimizdi bekemdep, patriottyq sezimimizdi biiktetti. Jobaǵa álemniń 30-ǵa jýyq memleketinen myńnan astam qatysýshy atsalysty. Halyqaralyq án estafetasyn áleýmettik jeliler arqyly 300 myńnan astam adam tamashalady. Mýzykalyq chellendjge atsalysqan Qazaqstan Respýblikasynyń Syrtqy ister ministrligine, alys-jaqyn shet elderdegi elshilikter men qazaq diasporalaryna, óńirlik kontserttik ujymdarǵa, jeke oryndaýshylarǵa zor qurmetpen alǵysymdy bildiremin», - dedi Aqtoty Raiymqulova.
