video kadry
Almaty oblysynda aýyl ákimi "Meni halyq emes, depýtattar sailady" degen sózi úshin jazalandy, - dep habarlaidy Tengrinews.kz saity.
Vedomstvonyń málimetinshe, oqiǵa 14 aqpanda emes, 16 aqpanda Ashybulaq aýyldyq okrýgindegi "Almagúl" saiajaiynda bolǵan. Sol kúni telearna jýrnalisteri káriz jelisiniń jarylǵanyn túsirýge kelgen.
"Okrýg ákimi Jasulan Ońalbaevtyń ózin "halyq emes, depýtattar sailady" degen sózi qate boldy. Bul fakt qoǵam tarapynan ashýyn týdyrdy.
Departamenttiń usynysy negizinde Ashybulaq aýyldyq okrýginiń ákimi memlekettik qyzmetshilerdiń Ádep kodeksin buzǵany úshin tártiptik jaýapkershilikke tartyldy. Oǵan sógis berildi", - dep habarlady Almaty oblysy memlekettik qyzmet isteri agenttiginiń departamenti.
Aita keteiik, Jelide buǵan deiin Almaty oblysyndaǵy aýyl ákiminiń halyqpen kezdesýde aitqan sózi qoǵamda rezonans týǵyzdy. "Siz halyqpen birge bolýyńyz kerek, sizdi halyq sailady" degen kisige ákim "Qatelesesiz, meni depýtattar sailady. Kelesi joly men sailaýǵa qatyssam, halyq tańdaidy" dep jaýap bergen.
Keiin oblys ákimdigi Ońalbaevty bul qyzmetke shynymen de jergilikti aýdandyq máslihat depýtattary sailaǵanyn habarlaǵan.
