VII shaqyrylymdaǵy eks-depýtat Berik Dúisenbinov 2022 jyldyń jeltoqsanynda Májilis otyrysynda málimdeme jasap, paidalanylmai jatqan aýyl sharýashylyǵy jerleri memleketke qaitarylyp jatyr degenge senbeitinin, óńirlerdegi jerlerdiń basym bóligi ákimderge tiesili ekenin aitty.
Dúisembinov «Óskemenge barsańyz, jerdiń bári Danial Ahmetovtiki, al Pavlodarǵa barsańyz - Baqaýovtiki. Astananyń mańaiynda - Ómirzaq Shókeevtiki. Ony aitýǵa bári qorqyp otyr» degen edi.
Halyq-uni.kz saitynyń habaralýynsha, búgin Astanada ótken Qazaqstannyń áleýmettik-ekonomikalyq damý máseleleri jónindegi keńeitilgen otyrystan shyqqan ShQO ákimi Danial Ahmetov eks-depýtattyń málimdemesine «jala» dep jaýap berdi.
«Bul – jala. Mende bir sharshy metr jer joq. Sondyqtan ol kisige men eshteńe aita almaimyn. Nege? Sebebi, ol kisiniń depýtattyq mártebesi bar. (Qazir Berik Dúisembinov depýtat emes). Biraq onyń sózi mádenietsizdik boldy. Óskemendegi jerdiń bári maǵan tiesili dep aitý sandyraq. Bul aqparat naqtylanbaǵan. Sondyqtan Shyǵys Qazaqstan oblysy ákimdiginiń baspasóz qyzmeti men Jer qatynastary komiteti tiisti aqparatty berdi», - dedi oblys ákimi.
