Foto: videodan skrinshot
Shymbulaqta ornalasqan meiramhanalardyń birinde memlekettik tilde qyzmet kórsetýden bas tartý deregi qoǵamda qyzý talqyǵa tústi, dep habarlaidy Ult.kz.
Áleýmettik jeli qoldanýshysynyń aitýynsha oqiǵa taý-shańǵy kýrorty aýmaǵyndaǵy Gusto meiramhanasynda bolǵan. Jazba avtory meiramhana ákimshisinen qazaq tilinde sóileitin daiashy bar-joǵyn sabyrmen suraǵan. Alaida oǵan jaýap retinde dóreki sózder aitylyp, qorlaý men balaǵatqa ulasqan.
«A che razve eto problema, chto esli zdes nikto ne govorit na kazahskom?»
Osy sózdi men Shymbulaqtaǵy Gusto meiramhanasynyń administratorynan estidim.
Administratordyń esimi — Elena.
Men óte sabyrly túrde bir ǵana suraq qoidym:
meiramhanada qazaq tilinde sóileitin daiashy bar ma dep.
Jaýap retinde — boqtyq, qorlaý jánede keiin artynan mynadai da sózder aityldy:
— «Ia rodilas v SSSR i ne obiazana govorit i obslýjivat na kazahskom iazyke»
— «Mne kazahskii iazyk ne nýjen», - dep mán-jaidy baiandady avtor.
Onyń sózinshe meiramhana ákimshisi máseleni sheshýdiń ornyna, ádeii arandatyp, janjaldy ýshyqtyrǵan.
«Osy arandatýlardan keiin men bolǵan jaǵdaidy telefonǵa túsire bastadym», - degen avtor ákimshi ózin qýyp shyǵarýǵa tyrysyp, fizikalyq áreketke deiin barǵanyn aitady.
«Odan keiin politsiia shaqyryldy. Sonyń saldarynan men shamamen 3 saǵat ýaqytymdy joǵalttym,al týristerim sýyqta meni kútip qaldy. Oqiǵany rastaityn video bar, sondai-aq bárin rastai alatyn basqa kýáger de bar», - dep jazady ol.
«Bul jaǵdai kez kelgen jerde emes, elimizdiń imidji qalyptasatyn týristik aimaqta boldy», - degen ol memlekettik tildi qorlaý — bul jeke pikir de, usaq másele de emes, mundai jaǵdaiǵa kóz juma qaraýǵa bolmaidy dep esepteidi.
Osy oqiǵadan keiin qoǵamda narazylyq kóbeiip, álekýmettik jelilerde Gusto meiramhanasyna shaǵymdanyp jatqandar artty. Alaida meiramhana óz paraqshasyn jaýyp tastaǵan. Jurt 2gis kartasynda da qazaq tilinde qyzmet kórsetýdi talap etip, meiramhana Qazaqstan zańdaryn óreskel buzyp otyr dep shańymdanyp jatyr.
