Foto: instagram.com/zulfiya.suleimen
Ekologiia jáne tabiǵi resýrstar ministri Zýlfiia Súleimenova ákesiniń sotty bolǵanyn rastady, dep habarlaidy "Ult aqparat".
"Tarap jatqan aqparattyń kóbi shyndyqqa janaspaidy. Al ákeme qatysty is bolǵany ras, sottylyǵy óteldi. Men bul faktini jasyrǵan emespin. Memlekettik qyzmetke ornalasqanda, qujattarymda kórsettim", - dedi Súleimenova Úkimet kýlýarynda.
Sondai-aq, ol Bas prokýratýra Abai oblysyndaǵy orman órti boiynsha áli jaýap almaǵanyn aitty.
"Men endi ǵana keldim. Áli jaýap alyp úlgergen joq. Shaqyrǵan soń, bar bilgenimdi aitamyn, tergeýmen yntymaqtasa jumys isteimin", - dedi ministr.
Aita keteiik, buǵan deiin jelide Ekologiia ministri Zýlfiia Súleimenovanyń ákesiniń sotty bolǵany týraly qaýeset taraǵan edi.
