Foto: Instagram/ilyailyinforever
Tanymal qazaqstandyq sportshy Ilia Ilin elimizdiń Aýyr atletika federatsiiasynyń basshysy bolýǵa daiyn ekenin aitty, - dep habarlaidy Massaget.kz portaly.
Mádeniet jáne sport ministrliginiń alqa otyrysynda Ilin federatsiianyń qazirgi jumysyna alańdaitynyn bildirdi.
"Men bul jerde eki jyl kásibi sportshy emes, sport menedjeri retinde jumys istedim. Eki jyl boiy qarym-qatynas ornatyp, komandada keibir máseleni sheship kelemin. Bir jyldan beri biz túsiniksiz jaǵdaida júrmiz, Aýyr atletika federatsiiasynyń prezidentin taba almai júrmiz. Bir jarym jyl buryn menedjer retinde jumysqa turǵanda jattyqtyrýshylarmen sóilestim, aýqymdy problemalar boldy, máseleni sheshýge tyrystym. Bir jigit asylyp qaldy... Bizge psihologtar keregin aittym. Biz komanda qurýǵa mindettimiz, óitkeni qiyndyqtar bar. Keiin biz ekige, sodan keiin úsh bólikke bólindik. Óńirlerge baryp, bapkerlermen jeti saǵat sóilesip, sportqa qol siltei salmaýyn túsindirýge týra keldi", - dedi Ilin.
Sportshy aýyr atletika eldegi eń "medaldi" sport túrleriniń biri ekenin aityp, ony saqtaýǵa shaqyrdy.
"Men qazir áriptesterime, basshylyqqa, Altai Kólginovke (vitse-premer - esk.) jáne Ashat Oralovqa (mádeniet jáne sport ministri) júginip otyrmyn, sheshim qabyldańyz, ótinemin. Men jetildim, federatsiiany óz komandammen birge alýǵa daiynmyn. Iá, mende million adam joq, men bai emespin, biraq men bul sporttyń qyr-syryn bilemin. Qoldaýyńyzdy suraimyn, tapsyrmalar qoiyńyz. Olimpiada chempionyn tańdaiyq", - dedi ol.
Mádeniet jáne sport ministri Ashat Oralov jaýap retinde bul máseleni Ilinmen bólek talqylaýǵa daiyn ekenin aitty.
