Reseide sońǵy eki jyl ishinde saiasi tutqyndar kúrt kóbeidi, osy ýaqyt aralyǵynda olardyń sany 184 adamǵa kóbeiip, 314 adamǵa jetken. "Memorial" quqyq qorǵaý ortalyǵynyń 2 maýsymda jaryq kórgen baiandamasynda osyndai málimet aitylady.
Quqyq qorǵaýshylardyń aitýynsha, sońǵy kezde saiasi tutqyndardyń basym bóligi "ar-ujdan bostandyǵy quqyǵyn júzege asyrýǵa" bailanysty tutqyndalǵan.
"Memorial" ortalyǵy Qylmystyq kodeksten ar-ujdan jáne dini senim bostandyǵy quqyǵyn buzý týraly bapty alyp tastaý qajet dep sanaidy. Quqyq qorǵaý ortalyǵy buǵan qosa miting ótkizý erejesin birneshe ret buzý, Reseidiń territoriialyq tutastyǵyn buzýǵa shaqyrý, natsizmdi aqtaý, shetel agenti dep tanylǵan kommertsiialyq emes uiymdardyń áreketimen bailanysty baptardy alyp tastaý qajet dep esepteidi.
