QR TsDIAÓM aqparattyq qaýipsizdik komitetiniń tóraǵasy Rýslan Ábdihalyqov Nur-sultan qalasynda kiber jattyǵýlar ótkizilip jatqanyn málim etti, dep habarlaidy QazAqparat.
«Meditsina, bilim berý, áleýmettik qamsyzdandyrý sekildi áleýmettik salalarmen qatar, pandemiia memlekettiń tsifrlyq infraqurylymyna da soqqy jasady. Bárińiz de oǵan kýá boldyńyzdar. Memlekettik internet-resýrstarǵa enýdegi problemalar tsifrlandyrý salasyndaǵy uiymdastyrýshylyq jáne tehnologiialyq bazanyń jetkilikti deńgeide damymaǵanyn kórsetip berdi», - dedi Rýslan Ábdihalyqov OKQ-da ótken baspasóz máslihatynda.
Onyń aitýynsha elektrondy úkimettiń aqparattandyrýshy iri nysandaryna árdaiym kiber shabýyldar jasalyp turady. Jyl saiyn aqparattyq qaýipsizdik salasynda buǵan qatysty milliardtaǵan oqiǵa tirkeledi.
«Biyldyń ózinde 4 milliardqa jýyq oqiǵa tirkeldi. Odan bólek 200 millionǵa jýyq kibershabýyl jasaldy. Pandemiia men qashyqtan jumys júrgizý jaǵdaiy – tsifrlyq infraqurylymǵa júktemeni birden artyp jiberdi. Biz buǵan daiyn bolmai shyqtyq. Qazirgi ýaqytta ótkizilip jatqan kiber jattyǵýlar arqyly týyndaǵan qaýipterge memlekettik organdardyń, aqparattyq qaýipsizdikti qamtamasyz etetin bólimsheler, aqparattyq qaýipsizdiktiń jedel ortalyqtarynyń daiyndyǵy tekserilip jatyr. Shartty túrde belgilengen, ekstremistik piǵyldaǵy shabýylshy elektrondy úkimetterdiń aqparattandyrýshy nysandaryna bastyrmalata DDOS-shabýyldardy jasaidy. Osy shabýylshy memlekettik internet-resýrstardy buzý áreketterin jasady, áleýmettik jelilerde shyndyqqa sai kelmeitin aqparatty taratyp, fishing jasady», - dedi ol.
Rýslan Ábdihalyqov osy kiber jattyǵýda nelikten qaýipsizdik sertifikaty iske qosylǵanyn aityp ótti.
«Pandemiia ýaqytynda shyndyqqa sai kelmeitin, eldiń aqparattyq zańnamasyn buzatyn málimet kóbeiip ketti. Onyń bári áleýmettik media arqyly taraýda. Shynaiy jaǵdaidy baǵalaý úshin shartty dini ekstremister ártúrli aqparatty taratady. Al bul rette memlekettik organdardyń mindeti – ony ýaqytynda anyqtap, naqty shekteý qoiý. Sondai-aq búkil internet resýrstyń shtattyq qyzmetin buzylmaýy tiis», - dedi ol.
