Elimizdiń memlekettik organdary qyzmettik kólik satyp alýǵa qansha qarajat jumsaityndyǵy belgili boldy. Ony QR Qarjy ministrligi Memlekettik satyp alýlar zańnamasy departamentiniń direktory Sábit Ahmetov jariia etti, dep habarlaidy QazAqparat.
«Jeńil avtomobilderdiń ortasha quny 4,6 mln teńgeni quraidy. Bul ádette orta sanattaǵy, «V« sanatyndaǵy kólikter bolyp keledi. Biyl Memleket basshysynyń tyiym salýyna bailanysty týyndaǵan shekteýlerge orai avtokólik satyp alý ótken jylǵa qaraǵanda úsh esege qysqardy», - dedi ol Ortalyq kommýnikatsiialar qyzmetindegi baspasóz máslihatynda.
Departament basshysynyń atap ótýinshe, 2019 jyly memlekettik satyp alýlar aiasynda 4,5 myń avtokólik quraly satyp alynǵan.
«Onyń ishinde shamamen 15 mlrd teńge jeńil avtokólik satyp alýǵa jumsalǵan. Qalǵany kommýnaldyq qymetke arnalǵan arnaiy tehnikalardy, iaǵni traktor, býldozer, tazalyqqa arnalǵan kólik quraldaryn satyp alýmen bailanysty», - dedi Serik Ahmetov.
