Memlekettik organdar halyqqa qabyldanǵan zańdardyń erejelerin túsindirýge mindetti bolady. Bul týraly QR Ádilet vitse-ministri Natalia Pan aitty, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihaty barysynda Ádilet vitse-ministri zań shyǵarý protsesine zań jobasyna mindetti aqparattyq súiemeldeý jáne túsindirý baǵdarlamasynyń engizilgenin aitty.
«Bul baǵdarlama azamattardy aldaǵy ne zańnamaǵa engizilgen ózgerister týraly habardar etýdiń tásilderi men merzimderin ashatyn naqty is-sharalardy qamtityn bolady. Osylaisha, zań jobalarynyń nemese zańdardyń negizgi erejelerin túsindirý júieli jáne josparly bolady», - dedi Natalia Pan.
