QR Parlamenti Májilisiniń jalpy otyrysynda «QR keibir zańnamalyq aktilerine soǵys jaǵdaiy máseleleri boiynsha ózgerister men tolyqtyrýlar engizý týraly» zańy jobasy maquldandy, dep habarlaidy "Ult aqparat".
Qujat boiynsha baiandama jasaǵan Halyqaralyq ister, qorǵanys jáne qaýipsizdik komitetiniń tóraǵasy Muhtar Ermannyń aitýynsha, qaralap otyrǵan zań jobasynyń tujyrymdamasy osy jyldyń 15 qańtarynda ótken Májilistiń jalpy otyrysynda 1-oqylymda maquldandy.
«Zań jobasy Qarýly kúshterdiń Joǵarǵy bas qolbasshysy qabyldaǵan QR-nyń qorǵanys josparyn iske asyrý úshin daiyndaldy. Zań jobasynyń negizgi maqsaty - memlekettiń qorǵanysqa jáne áskeri qaýipsizdikti qamtamasyz etýge daiyndyq júiesin jetildirý, QR soǵys jaǵdaiy salasyndaǵy zańnamalyq aktilerin áskeri qaqtyǵystar sipatyndaǵy áleýetin áskeri qaterlerge jáne ózgeristerge sáikes keltirý bolyp sanalady», - dedi ol.
Muhtar Ermannyń aitýynsha, jumys barysynda depýtattar zań jobasyna birqatar túzetý engizgen.
«Atap aitqanda, memlekettiń qorǵanys jospary qujattaryn memlekettik qupiialarǵa jatatyn málimetterge jatqyzý, QR-nyń qorǵanys jospary uǵymyn engizý, QR-nyń qorǵanys josparyn, oblystyq jáne respýblikalyq mańyzy bar qalanyń, astananyń aýmaqtyq qorǵanys josparyn iske asyrý jónindegi qujattardy ázirleý boiynsha jergilikti atqarýshy organdardyń quziretin bekitý, qorǵanys josparyn jáne ony iske asyrý jónindegi qujattardy ázirleý boiynsha memlekettik organdardyń quziretin naqtylaý, oblystyń, respýblikalyq mańyz bar qalanyń, astananyń qorǵanys keńistiginiń quziretin naqtylaý, áskeri kafedaralarda serjanttyq quramnyń rezervin daiyndaý. Atalǵan zań jobasyn qabyldaý soǵys jaǵdaiy kezeńinde memlekettik organdardyń jumys isteý tetigin jetildirgýe múmindik beredi», - dedi Májilis deptýtaty.
Májilis depýtattary zań jobasyn maquldap, Senat qaraýyna jiberdi.
