Senator Murat Baqtiiaruly memlekettik tildiń mártebesin tek zańdy ózgertý jolymen ǵana kóterýge bolatynyn málim etti, dep habarlaidy QazAqparat.
Byltyr jeltoqsan aiynda Murat Baqtiiaruly bastaǵan bir top senator memlekettik til – qazaq tiliniń máselesin kóterip, Úkimet basshysyna saýal joldaǵan bolatyn. Depýtattar jańadan memlekettik til týraly zań qabyldaý kerektigin kótergen edi.
«Memlekettik til máselelesine qatysty Úkimetten jaýap boldy ma?» - «ANTIKOR ORTALYǴY» alańyndaǵy «AANTIKOR.LIVE» jobasy aiasynda Parlament Senatynyń depýtaty, Áleýmettik-mádeni damý jáne ǵylym komitetiniń tóraǵasy Murat Baqtiiarulyna osy suraq qoiyldy.
«Depýtattyq saýalǵa jaýap berildi. Jaýap boiynsha 2025 jylǵa deiingi memlekettik til baǵdarlamasy qabyldanyp, sol kezeńde zańdy ózgertemiz deidi... Qazir memlekettik tilge bailanysty hatqa qoǵamda qol jinaý bastaldy. 200 myńǵa jýyq adam qol qoiǵann. Sondyqtan bul máseleni órkenietti jolmen sheshýimiz kerek. Buǵan arnaiy komissiia qurmai-aq, Konstitýtsiianyń 7-shi babyndaǵy resmi tilge bailanysty máseleni qaraýymyz kerek», - dedi senator.
Murat Baqtiiarulynyń aitýyna qaraǵanda, elimizde orys nemese ózbek tildiler gazet, teatr, aqparat quraldarynyń jumysyn jalǵastyra bere alady.
«Jasyrmaimyz. Bul - órkenietti elderdiń bárinde bar. Memlekettik tildiń máselesi tek zańdy ózgertý jolymen ǵana sheshiledi. Menińshe, qoǵam, memleket oǵan qazir daiyn. Mysaly ońtústik pen batys óńirlerdiń (úsh-tórt oblystan basqanyń báriniń) is-qaǵazdary, jinalystary memlekettik tilde júrgiziledi. Almaty oblysynan bastap Batys Qazaqstan, Qyzylorda, Túrkistan, Shymkent, Jambyl – bári de memlekettik tilge kóship ketti», - dedi senator.
