QR Aqparat jáne kommýnikatsiialar ministrliginiń keńeitilgen alqa májilisinde qoǵamdyq keńes múshesi Bibigúl Jeksenbai jýrnalister qaýymynyń birqatar usynystaryn jariialady, dep habarlaidy Ult.kz tilshisi QazAqparat agenttigine silteme jasap.
"Bizge respýblikalyq jáne aýdandyq buqaralyq aqparat quraldaryn barynsha damytyp, básekege qabiletti deńgeige kóterý kerek. Ásirese, memlekettik tilde xabar taratatyn aqparat quraldaryna basymdyq bergenimiz jón. Memlekettik organdarda jumys isteitin baspasóz xatshylarynyń, buqaralyq aqparat quraldary salasyndaǵy qyzmetkerlerdiń, sondai-aq jýrnalisterdiń memlekettik tildi bilý deńgeiin arttyrý qajet. Al memlekettik tildegi baǵdarlamalardyń sapasy joǵary bolýǵa tiis", - dedi ol ministrliktiń keńeitilgen alqa májilisinde.
Onyń sózine qaraǵanda, búginde barlyq aimaqtardy otandyq tele-radio jelilerimen qamtamyz etken jón. Osy oraida shekara mańyndaǵy eldi mekenderdi nazardan tys qaldyrmaý qajet. Sondai-aq otandyq gazet-jýrnaldardy keńinen tartý maqsatynda poshta bólimsheleri men kioskilerdi kóbirek ashqan durys. "Elimizdiń shalǵai aýyldarynda xalyq aqparattyq vakýýmda otyrmas úshin ǵalamtor jelisin barlyǵyna birdei tartý qajet. Sonda eldegi jańalyqtar jaiynda xabardar bolyp otyrady",- dep atap kórsetti keńes múshesi.
