QR Mádeniet jáne sport ministrliginiń #ONLAIN-da bol jobasy aiasynda «Memlekettik tildi jetildirý» taqyrybynda onlain kýrstar ótedi. «Til-Qazyna» ulttyq ǵylymi-praktikalyq ortalyǵy» Memlekettik til saiasatyn iske asyrý baǵdarlamasyna sáikes ótkizetin kýrs óńirlik tilderdi damytý basqarmalarynyń basshylaryna, tilderdi oqytý ortalyqtarynyń direktorlaryna arnalǵan. Onlain kýrstar 13-17 sáýir aralyǵynda ótedi. Bul týraly "Ult aqparat" Ortalyqtyń baspasóz qyzmetine silteme jasap habarlaidy.
Bes kúnge josparlanǵan onlain kýrsta qazaq terminderin qalyptastyrý, saraptamadan ótkizý, qazirgi aqparattyq tehnologiialar múmkindikterin paidalanyp terminder nusqalaryn talqylaýǵa qashyqtan qatysý máseleelri qarastyrylady. Sondai-aq, qazaq tilin meńgergisi keletin eresek azamattardy oqytý úderisindegi jańalyqtar, til meńgerý deńgeilerin baǵalaýdyń QAZTEST júiesindegi ózgeristeri, qazaq álipbiin latyn grafikasyna kóshirý úderisiniń ǵylymi negizdemeleri men ǵylymi-uiymdastyrýshylyq mindetterin iske asyrý joldary talqylanady. Budan bólek, qazaq tilin úirenýge yntaly azamattarǵa jasandy intellekt tehnologiiasy arqyly jańa portaldy paidalaný joldary, portal arqyly biregei júie qalyptastyrý tetigi, til úirenýdiń tiimdi tehnologiialary qaralady.
Kýrstar barysynda memlekettik baǵdarlamanyń mindetin óńirlerde iske asyrý boiynsha ózekti suraqtarǵa jaýap beriledi. Sonymen qatar, kúndelikti turmysta, áleýmettik salalarda qazaq tiliniń qoldanys aiasyn keńeitý tetikterin jetildirý joldary tanystyrylady. Kýrs Facebook álemettik jelisiniń ONLINE-da bol paraqshasynda ár kún saiyn 11:00-12:00 aralyǵynda tikelei efirde júrgiziledi.
