Almaty qalasy Tilderdi damytý basqarmasy Qazaqstan Respýblikasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi Almaty qalasynyń 2017-2019 jyldarǵa arnalǵan is-sharalar josparyn júzege asyrý maqsatynda jáne Almaty qalasy ákimdiginiń «Memlekettik qyzmetshi kúnin ótkizý jónindegi is-sharalar josparyna» sáikes memlekettik basqarý organdary men mekemelerinde jumys isteitin mamandar arasynda «Memlekettik til – meniń tilim» atty qalalyq baiqaýyn ótkizdi.
Memlekettik til saiasatyn nasihattap, qazaq tiliniń qoldanylýyn damytý maqsatynda ótken baiqaýǵa Almaty qalasyndaǵy memlekettik basqarý organdary men mekemeleriniń qyzmetkerleri qatysty. Olar ózderiniń tildi meńgerýge degen qyzyǵýshylyqtaryn, jan-jaqty damyǵandyǵyn, básekege qabiletti tulǵa ekendikterin, til mádenietin tolyq meńgere alǵandyqtaryn kórsetti. Baiqaýǵa qatysýǵa tilek bildirip, tiisti aýdan ákimi apparatynyń mádeniet jáne tilderdi damytý bólimine ótinish bergen saiyskerler aýdandarynyń namysyn qorǵady.
Baiqaýdyń qazylar alqasy quramyna belgili tilshiler, ǵalymdar, úkimettik emes uiymdardyń ókilderi, aýdarma isiniń kásibi bilikti oqytýshylary endi. Ádilqazylar alqasynyń quramynda QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Almaty qalasy boiynsha departamenti qyzmetkeri Ospanova Aqtoty Qudaibergenqyzy, Abai atyndaǵy Qazaq Ulttyq pedagogikalyq ýniversitetiniń f.ǵ.k., dotsent, «Senim Group Consulting» JShS, Almaty qalasyndaǵy memlekettik basqarý organdarynda qazaq tiliniń oqytýshysy Shaharman Gúljiian Pishenbaiqyzy, Abai atyndaǵy Qazaq Ulttyq pedagogikalyq ýniversiteti, «Tulǵa psihologiiasy» ǵylymi ortalyǵynyń ǵylymi qyzmetkeri Isabekova Tólesh Shaketaiqyzy boldy.
Qazylar alqasy qatysýshylarǵa beriletin tapsyrmalardy ázirlep, baǵalaý paraqtarynyń úlgisin belgiledi. Budan ózge qatysýshylardyń ónerleri men jaýaptaryn tyńdap, baǵalaý paraqtaryn toltyrdy. Tapsyrmalardy oryndaý deńgeiin baǵalady. Saiys sońynda ashyq daýys berý arqyly baiqaýdyń jeńimpaz toptaryn anyqtady. Qalalyq baiqaýda I oryndy Bostandyq aýdany ákimdigi ielenip jeńimpaz atandy. II oryndy Alataý aýdany ákimdigi ielense, III orynǵa Naýryzbai aýdany ákimdigi ie boldy.
Eli men jerin súigen azamattardy óz tilin qurmettep, baǵalai bilýge jeteleitin saiys qatysýshylardyń kóńilinen shyqty.
