Foto: rudnyi-altai.kz
Memlekettik syilyqtyń jeńimpazy anyqtaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Qazaqstan Respýblikasynyń ál-Farabi atyndaǵy ǵylym men tehnika salasyndaǵy 2023 jylǵy memlekettik syilyǵynyń jeńimpazy belgili boldy.
Prezident Qasym-Jomart Toqaevtyń Jarlyǵymen biylǵy Memlekettik syilyq «Qazaqstan Respýblikasynyń atom-energetika salasyn qurýǵa jáne kómirtegi beitaraptyǵyna qol jetkizý strategiiasyn iske asyrýǵa arnalǵan álemdik deńgeidegi zertteýler men ázirlemeler» jumysy úshin Erlan Batyrbekovtyń jetekshiligimen Qazaqstan Respýblikasy Ulttyq iadrolyq ortalyǵynyń avtorlar ujymyna berildi" - delingen habarlamada.
Aita keteiik, atalǵan syilyq ǵylym men tehnika salasyndaǵy asa úzdik jetistikteri úshin eki jylda bir ret beriledi.
