Jyl basynan beri memlekettik satyp alý salasynda 23 mlrd teńgeniń qarjylyq buzýshylyqtary anyqtaldy. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Osy jyldyń 2 aiynda kameraldyq baqylaýmen somasy 2,3 trln teńgege 213 myńnan astam memlekettik satyp alý rásimi qamtyldy. Tekserýlerdiń qorytyndylary boiynsha 6 153 rásim boiynsha buzýshylyqtar anyqtaldy. Memlekettik aýdit obektileri buzýshylyqtardy joiý týraly 5 600 habarlamany oryndady», - dedi 2021 jyldyń qańtar-aqpanyndaǵy respýblikalyq biýdjettiń oryndalýy jaiynda baiandaǵan ministr.
Onyń dereginshe, 491 aýditorlyq is-sharalar ótkizildi. Aýditpen 237 mlrd teńge biýdjet qarajaty qamtyldy.
«Somasy 23 mlrd teńgege qarjylyq buzýshylyqtar anyqtaldy. Taýarlardy jetkizýmen, qyzmetterdi kórsetýmen jáne jumystardy oryndaýmen qalpyna keltirý, biýdjetke óteý jáne esepke alý boiynsha kórsetý jolymen 12 mlrd teńgege buzýshylyqtar joiyldy. Aýdit nysandary qyzmetiniń tiimdiligin jetildirý jáne arttyrý úshin 395 usynym berildi», - dedi ol.
