جىل باسىنان بەرٸ مەملەكەتتٸك ساتىپ الۋ سالاسىندا 23 ملرد تەڭگەنٸڭ قارجىلىق بۇزۋشىلىقتارى انىقتالدى. بۇل تۋرالى بٷگٸن ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«وسى جىلدىڭ 2 ايىندا كامەرالدىق باقىلاۋمەن سوماسى 2,3 ترلن تەڭگەگە 213 مىڭنان استام مەملەكەتتٸك ساتىپ الۋ رەسٸمٸ قامتىلدى. تەكسەرۋلەردٸڭ قورىتىندىلارى بويىنشا 6 153 رەسٸم بويىنشا بۇزۋشىلىقتار انىقتالدى. مەملەكەتتٸك اۋديت وبەكتٸلەرٸ بۇزۋشىلىقتاردى جويۋ تۋرالى 5 600 حابارلامانى ورىندادى», - دەدٸ 2021 جىلدىڭ قاڭتار-اقپانىنداعى رەسپۋبليكالىق بيۋدجەتتٸڭ ورىندالۋى جايىندا بايانداعان مينيستر.
ونىڭ دەرەگٸنشە, 491 اۋديتورلىق ٸس-شارالار ٶتكٸزٸلدٸ. اۋديتپەن 237 ملرد تەڭگە بيۋدجەت قاراجاتى قامتىلدى.
«سوماسى 23 ملرد تەڭگەگە قارجىلىق بۇزۋشىلىقتار انىقتالدى. تاۋارلاردى جەتكٸزۋمەن, قىزمەتتەردٸ كٶرسەتۋمەن جەنە جۇمىستاردى ورىنداۋمەن قالپىنا كەلتٸرۋ, بيۋدجەتكە ٶتەۋ جەنە ەسەپكە الۋ بويىنشا كٶرسەتۋ جولىمەن 12 ملرد تەڭگەگە بۇزۋشىلىقتار جويىلدى. اۋديت نىساندارى قىزمەتٸنٸڭ تيٸمدٸلٸگٸن جەتٸلدٸرۋ جەنە ارتتىرۋ ٷشٸن 395 ۇسىنىم بەرٸلدٸ», - دەدٸ ول.
