Memlekettik satyp alý rásimderin tekserý kezinde 11,5 myń buzýshylyq anyqtaldy. Bul týraly Úkimet otyrysynda QR Qarjy ministri Erlan Jamaýbaev aitty, dep habarlaidy QazAqparat.
«Biyl tórt aidyń ishinde kameraldyq baqylaýmen somasy 3,5 trln teńgege 395 myń memlekettik satyp alý rásimi qamtyldy. Tekserý qorytyndysy boiynsha 11,5 myń buzýshylyq anyqtaldy. Memlekettik aýdit obektileri kemshilikterdi joiý jóninde 11 myńǵa jýyq habarlamany oryndady», - deidi Erlan Jamaýbaev.
Onyń aitýynsha, myńnan astam aýditorlyq is-shara ótkizildi.
«Aýditpen 604 mlrd teńge biýdjet qarajaty qamtyldy. 60 mlrd teńge somasynda qarjylyq buzýshylyqtar anyqtaldy. Taýarlardy jetkizý men qyzmetti kórsetýmen jáne jumystardy oryndaý men qalpyna keltirý biýdjetke óteý jáne esepke alý boiynsha kórsetý jolymen 44 mlrd teńgege buzýshylyq joiyldy. Aýdit obektileri qyzmeti tiimdiligin jetildirý jáne anyqtaý úshin 947 usynym berildi», - deidi ol.
