Qazaqstan Respýblikasynyń Memlekettik hatshysy Erlan Karinniń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldikasy máseleleri jónindegi respýblikalyq komissiianyń otyrysy ótti, dep habarlaidy Aqorda.
Jiynda Mádeniet jáne sport ministri Dáýren Abaev Qazaqstan Respýblikasy Memlekettik rámizderiniń 30 jyldyǵyna orai ótetin negizgi is-sharalar jaiynda baiandap, uiymdastyrý-daiyndyq jumysy jáne josparǵa sai ótetin mádeni-kópshilik sharalar týraly aitty.
Sonymen qatar otyrysta Nur-Sultan qalasy, Qyzylorda jáne Aqtóbe oblystarynyń ákimderi memlekettik rámizderdi paidalaný, qoldaný jáne nasihattaý jóninde baiandama jasady.
Óz kezeginde Memlekettik hatshy Prezident Qasym-Jomart Toqaevtyń tapsyrmasy boiynsha 2020 jyly Memlekettik rámizdi paidalanýǵa qatysty quqyqtyq aktiler liberalizatsiia baǵytyna ózgergenin atap ótti.
Osy oraida Erlan Qarin Memlekettik rámizderdi, atap aitqanda, Memlekettik Týdy keńinen qoldanýǵa qatysty máseleni pysyqtaýdy tapsyrdy.
Komissiia tóraǵasy Memlekettik rámizderdiń qoǵamdy biriktiretinin aityp, elimizdiń ajyramas bóligi jáne Táýelsizdigimizdiń bet-beinesi ekenine toqtaldy.
Komissiia otyrysynyń qorytyndysy boiynsha memlekettik organdarǵa Memlekettik rámizderdiń 30 jyldyǵyna orai ótetin jalpy respýblikalyq is-sharalardy sapaly ótkizýge qatysty birqatar tapsyrma berildi.
