Májilis spikeri, «AMANAT» partiiasynyń tóraǵasy Erlan Qoshanov eldegi saiasi reformalar men partiianyń atqarǵan róline keńinen toqtaldy, dep habarlaidy ult.kz.
«Memlekettik múddeni jeke partiia múddesinen joǵary qoiamyz. Biz bolashaqty jáne aldaǵy strategiialyq josparlardy oilap barlyq kúshterdiń bir judyryq bop jumylǵanyn qalaimyz», - dedi ol.
Erlan Qoshanov partiianyń popýlizmge emes, naqty iske jáne naqty nátijege jumys istegenini eske saldy. Onyń nátijesi – halyqtyń kóz aldynda. Partiianyń «Aýyl amanaty», «Qaryzsyz qoǵam», «Jer amanaty», «Turǵyndar amanaty» siiaqty áleýmettik jobalary keń qoldaýǵa ie bolyp, jalpyulttyq qozǵalysqa ainaldy.
Májilis spikeri ataǵandai, bul jobalardyń barlyǵy azamattardyń tabysyn arttyrýǵa, nesie aýyrtpalyǵyn azaitýǵa, turmys sapasyn jaqsartýǵa baǵyttalǵan. Eń basty ereksheligi – bul bastamalardyń bári tikelei azamattardyń qatysýymen júzege asyp jatyr.
