Foto: IZVESTIIa/Pavel Bedniakov
Memlekettik laýazymdarǵa úmitkerlerdiń qazaq tilin meńgerýi boiynsha talap zańnamalyq deńgeide rettelmegen. Bul týraly Májilis depýtattarynyń saýalyna Memlekettik qyzmet isteri agenttigi tóraǵasynyń mindetin atqarǵan Salaýat Múksimovtiń jaýabynda aitylǵan, dep habarlaidy QazAqparat.
«Memlekettik qyzmet isteri agenttigi óz quzyreti aiasynda memlekettik tildi damytý jumystaryn únemi júrgizýde. Qazirgi ýaqytta memlekettik laýazymdarǵa úmitkerler úshin memlekettik tildi meńgerý deńgeii boiynsha talap joq. Óitkeni másele zańnamalyq deńgeide rettelmegen. Atap aitqanda, Konstitýtsiianyń 7-babyna sáikes Qazaqstan Respýblikasynda qazaq tili memlekettik til bolyp tabylady. Memlekettik uiymdar men jergilikti ózin-ózi basqarý organdarynda qazaq tilimen teń dárejede orys tili resmi túrde qoldanylady. Konstitýtsiianyń 14-babynda eshkimdi shyǵý tegine, áleýmettik, laýazymdyq jáne múliktik jaǵdaiyna, jynysyna, násiline, ultyna, tiline, dinge kózqarasyna, nanymyna, turǵylyqty jerine bailanysty nemese kez kelgen basqa mán-jailar boiynsha kemsitýge bolmaityndyǵy kórsetilgen. Konstitýtsiianyń 14-babynda kózdelgen quqyqtar men bostandyqtar eshbir jaǵdaida shektelýge jatpaidy», - dedi ol jaýabynda.
Onyń atap ótýinshe, Konstitýtsiianyń 33-baby 4-tarmaǵynda respýblika azamattarynyń memlekettik qyzmetke kirýge teń quqyǵy bar ekendigi jazylǵan. Memlekettik qyzmetshi laýazymyna kandidatqa qoiylatyn talaptar laýazymdyq mindetterdiń sipatyna ǵana bailanysty bolady jáne zańmen belgilenedi.
«Osyǵan qaramastan agenttik memlekettik qyzmette memlekettik tildiń aiasyn keńeitý maqsatynda keshendi sharalardy júzege asyrýda. Atap aitqanda, 2021 jyly ótkizilgen Prezidenttik jastar kadr rezervine irikteýde úmitkerlerge memlekettik tildi kem degende orta deńgeide (V1) meńgerý talaby engizildi. Bul rette, osy jyly úshinshi ret uiymdastyrylýy josparlanyp otyrǵan Prezidenttik jastar kadr rezervine irikteý kezinde de memlekettik tildi bilý negizgi talap retinde bekitildi. Sonymen qatar, 2022 jyldan bastap Qazaqstan Respýblikasy Prezidentiniń janyndaǵy Memlekettik basqarý akademiiasyna joǵary oqýdan keiingi bilim alýshy úmitkerlerge memlekettik tildi orta deńgeiden (V1) tómen emes bilýi boiynsha sertifikattarynyń bolýy týraly talap engizildi», - dedi Salaýat Múksimov.
