QR Prezidenti janyndaǵy Joǵary attestatsiialyq komissiia 36 adamdy qyzmeti jaǵynan tómendetý týraly keńes berdi.
Olardyń ishinde jalǵan qujattarmen júrgen memlekettik qyzmetkerler de bar, dep xabarlaidy QazAqparat tilshisi.
"Máselen, Astana qalalyq avtomobil joldary basqarmasynyń basshysy memlekettik qyzmetke testen ótkeni týraly jalǵan qujattyń negizinde tústi. Al Mańǵystaý oblystyq indýstrialdyq-innovatsiialyq saiasat basqarmasynyń jetekshisi memlekettik qyzmetke resmi qujattyń negizinde tússe, artynan ekinshi joǵary bilimi týraly diplomnyń jalǵan nusqasyn tapsyrǵan. Attestatsiia kezinde biz árbir memqyzmetkerdiń jeke qujattaryn tyńǵylyqty zerdelep shyqtyq. Mine, sol jumystyń nátijesinde osyndai faktiler anyqtaldy", - dedi QR Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary Aigúl Shaiymova búgingi baspasóz máslixatynda.
Onyń aitýynsha, qyzmeti jaǵynan tómendetýge keńes berilgen memlekettik qyzmetkerlerdiń basym bóligi QR Investitsiialar jáne damý ministrliginde, sondai-aq Qostanai oblysynda jumys isteidi.
Aita keteiik, búgin Astanada ótken baspasóz máslixatynda QR Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary Aigúl Shaiymova memlekettik qyzmettiń "B" korpýsyna kiretin basshylardy attestatsiiadan ótkizýdiń nátijesin jariialady
