QR Sybailas jemqorlyqqa qarsy is-qimyl Agenttigi Tóraǵasynyń keńesshisi Anar Jarova memlekettik qyzmetshilerdiń qandai jaǵdaida sheteldik bankterde esepshot asha alatynyn túsindirdi, dep habarlaidy QazAqparat.
Keńesshi biylǵy 19 jeltoqsanda Memleket basshysy qol qoiǵan «Qazaqstan Respýblikasynyń keibir zańnamalyq aktilerine qylmystyq protseste azamattardyń quqyqtaryn qorǵaýdy jáne sybailas jemqorlyqqa qarsy is-qimyldy kúsheitý máseleleri boiynsha ózgerister men tolyqtyrýlar engizý týraly» zańda qamtylǵan keibir novellalardy túsindirdi.
«Sheteldik bankterde shottar ashýǵa jáne ielenýge tyiym salýdan bastaiyq. Mundai tyiym memlekettik qyzmetshilerge, Parlament depýtattary men sýdialarǵa engizilgen. Munda memlekettik qyzmettiń birqatar shekteýler qabyldaityn qyzmettiń erekshe túri ekenin túsiný qajet. Atalǵan túzetýlerdi ázirleý kezinde el men halyqtyń múddesi úshin qyzmet etý ideologiiasy birinshi orynǵa qoiyldy. Qoǵamda aqshasyn kóptegen azamattar siiaqty qazaqstandyq bankterde emes, sheteldik bankterde saqtaityn sheneýnikterge sený qajet pe, bul shottar sybailas jemqorlyq shemalarymen jáne kapitaldy shetelge shyǵarýmen bailanysty emes pe degen suraqtar týyndaýy múmkin. Sondyqtan Memleket basshysynyń tapsyrmasyn zańnamalyq iske asyrý oryndy jáne der kezinde bolyp otyr», - dedi Anar Jarova Sybailas jemqorlyqqa qarsy is-qimyldy kúsheitý jónindegi zańnamalyq sharalar týraly onlain brifingte.
Spikerdiń aitýynsha, endi memlekettik qyzmetshilerdi qyzmetke taǵaiyndaýda olarǵa sheteldik shottaryn jabý úshin 6 ailyq merzim beriletin bolady. Jumys istep júrgen memlekettik qyzmetshilerge zań qoldanysqa engen kúnnen bastap, Qazaqstan Respýblikasynan tys ornalasqan sheteldik bankterdegi shottaryn jabýǵa 6 ai beriledi.
«Bul rette, zańda memlekettik qyzmetshilerge sheteldik bankterde shot ashýǵa ruqsat berý jaǵdailary da aiqyndalǵan.Onyń ishinde – shetelde jumys isteý, oqý, taǵylymdama, issapar nemese emdelý nemese kámeletke tolmaǵan balanyń zańdy ókili retinde shetelde bolý. Bul jaǵdailar toqtatylǵan soń (mysaly, sheteldik issapardan, oqýdan jáne t.b. oralǵan kúnnen bastap) memlekettik qyzmetshi 6 ai ishinde sheteldik banktegi qundylyqtary men qarajatyn saqtaýdy toqtatýǵa mindetti. Dál osy talap pen merzim murany qabyldaý jaǵdailaryna da qoldanylady.
Eger memlekettik qyzmetshi sheteldik banktegi shotty japqysy kelmese jáne memlekettik qyzmetten ketýge niet bildirse, onda ol óz erkimen jumystan bosatý týraly ótinish berýge quqyly», - deidi Anar Jarova.
