QR Ulttyq ekonomika ministri Rýslan Dálenov ońtailandyrý sharalary nátijesinde memlekettik qyzmetshiler eńbekaqysy qandai kólemde ósetinin aitty, dep habarlaidy "Ult aqparat".
«Shtattyń sandy ońtailandyrý yqshamdaý men biznes-protsesterdi avtomattandyrýmen qatar júredi. Sonymen birge birqatar basqarýshy býyndy qysqartý usynylady», - dedi ministr Úkimet úiindegi baspasóz máslihatynda.
Osy oraida yntalandyrýshy faktor retinde tómengi bólimderdegi qyzmetshilerdiń eńbekaqysy ósetinin jetkizdi.
«Ótken jyly tómengi laýazymdardyń eńbekaqysy 25 paiyzǵa artqan edi. Shatattyq sandy ońtailandyrý arqasynda ortasha eseppen eńbekaqyny taǵy 15 paiyzǵa arttyrý múmkindigi bolady», - dedi Rýslan Dálenov.
Eske salsaq, memleket basshysy Qasym-Jomart Toqaev 2 qyrkúiektegi joldaýynda memlekettik apparat pen kvazimemlekettik sektor qyzmetkerlerin qysqartý jumysyn tezdetýdi tapsyrǵan bolatyn.
Oǵan sáikes, biyl memlekettik jáne kvazimemlekettik sektor qyzmetkerleriniń sany 10 protsentke, al kelesi jyly taǵy 15 protsentke qysqartylady. Osylaisha sheneýnikterdiń 25 protsenti qysqartylyp, únemdelgen qarajat esebinen jumysta qalǵan qyzmetkerlerdiń jalaqysy kóteriledi.
