Qazaqstandaǵy Birikken Ulttar Uiymynyń Damý baǵdarlamasy (BUUDB) jáne QR Memlekettik qyzmet isteri agenttigi memlekettik qyzmetshilerdiń ádep deńgeiin baǵalaý jónindegi áleýmettik zertteýdiń nátijelerin usyndy, dep habarlaidy "Ult aqparat".
Áleýmettik zertteýdi «Qoǵamdyq pikir» zertteý institýty 2020 jyly ótkizgen.
Saýalnamaǵa barlyǵy 7 myń respondent, onyń ishinde memlekettik qyzmetshiler, kásipkerler, zańdy tulǵalar, sondai-aq táýelsiz sarapshylar qatysty.
Saýalnama nátijesi boiynsha:
- respondentterdiń úshten biri (37,5 paiyzy) memlekettik qyzmetshilerdiń jartysynan kóbi Ádep kodeksin saqtaidy dep sanaidy;
- 34,9% memlekettik qyzmetshilerdiń minez-qulyq ádebine qatysty jaǵdai jaqsaryp keledi degen pikirde;
- 31% jaǵdai árdaiym jaqsy degen senimde.
Sondai-aq málim bolǵandai, respondentterdiń basym kópshiligi nemqurailylyq, nazar aýdarmaý, kómek kórsetýden bas tartý, dórekilik, mańyzdy aqparatty jasyrý, jeke bas múddesine orai áreket etý syndy memlekettik qyzmetshiniń ádepke jat minez-qulqyna qatysty shara qoldanbaǵan.
«2020 jyldyń nátijelerin 2017, 2018 jyldardaǵy nátijelermen salystyrsaq, aitarlyqtai ózgeristerdi kórýge bolady.
Iaǵni memlekettik qyzmetshilerge qatysty ádepke sai emes minez-qulqyna bailanysty sharalar qabyldaýǵa májbúr bolǵan respondentterdiń paiyzy aitarlyqtai tómendedi. Mysaly, eger 2018 jyly 34,7% respondent memlekettik qyzmetshiniń ádepke jat minez-qulqyna qatysty sharalar qabyldaýǵa týra keldi dep jaýap berse, 2020 jyly mundai respondentter úlesi 13,4% boldy», - dedi Memlekettik qyzmet isteri agenttiginen.
Sonymen qatar, respondentterdiń basym kópshiligi (92,8%) karantin kezinde memlekettik qyzmetshilermen áreketke túsý barysynda ádepke qatysty qandai da bir problemalardy baiqamaǵan. Tek 10 adam (0,4%) karantin kezinde ádepke bailanysty buzýshylyqtardy baiqaǵanyn aitty.
«Budan basqa, 2021 jyly agenttik alǵash ret Ádep jónindegi ýákilge ádeptilik deńgeiin aiqyndaý úshin árbir memlekettik organnyń resmi saittarynda saýalnama ornalastyrýdy usyndy. Oǵan barlyq azamattar qatysa alady. Memlekettik qyzmetshilerdiń ádep deńgeiiniń jáne Ádep jónindegi ýákilder qyzmetiniń reitingileri myna silteme boiynsha qoljetimdi», - dedi vedomstvodan.
Saýalnama BUUDB men Memlekettik qyzmet isteri agenttiginiń «memlekettik apparatty kásibilendirý tetikterin jetildirý, memlekettik qyzmetterdiń sapasyn qamtamasyz etý jáne sybailas jemqorlyqtyń aldyn alý» birlesken jobasy sheńberinde júrgizildi.
