Prezident Ákimshiliginiń memlekettik qyzmetshilerdiń kommýnikativtik daǵdylaryn jetildirý boiynsha bergen tapsyrmasyn oryndaý aiasynda Memlekettik qyzmet isteri agenttiginiń qoldaýymen Prezident janyndaǵy Memleket basqarý akademiiasynyń bazasynda qurylǵan mediastýdiianyń ashylý sharasy ótti, dep habarlaidy "Ult aqparat".
Is-sharaǵa Qazaqstan Respýblikasy Prezidentiniń ishki saiasat máseleler jáne kommýnikatsiialar jónindegi kómekshisi Rýslan Jeldibai men MQIA tóraǵasy Darhan Jazyqbai qatysty.
Ashylý barysynda Rýslan Jeldibai memleket pen qoǵam arasyndaǵy senimdi nyǵaitýda memlekettik qyzmetshilerdiń jurtshylyqpen tiimdi kommýnikatsiia ornata alý daǵdylaryn únemi damytyp otyrýdyń mańyzdylyǵyn atap ótti.
Zamanaýi mediastýdiia memlekettik qyzmetshilerdi oqytý ádisterin jetildirýge ásirese, jańa tehnologiialardy qoldaný arqyly olardyń pikirtalas, suhbat formatynda sóz sóileý boiynsha tájiribesin shyńdaýǵa, olardy is júzinde tiimdi qoldana bilý qabiletin arttyrýǵa yqpal etedi dep kútilýde.
Jańa formattaǵy oqytý protsesin iske asyrý úshin stýdiiada Jalinga avtomattandyrylǵan video jáne grafikalyq beinelerdi jazý qurylǵysy ornatylǵan, sondai-aq YouTube, Zoom arqyly onlain-konferentsiialarǵa qosylý, kásibi podkast jazý alańy qarastyrylǵan.
Shara aiasynda memlekettik qyzmetshilerdiń biliktiligin arttyrý jáne olardy qaita daiarlaýǵa arnalǵan tsifrlyq kovorking zalynyń jumysy da tanystyryldy.
