Memlekettik qyzmet isteri agenttiginiń tóraǵasy Anar Jaiylǵanova memlekettik qyzmetshilerdiń áleýmettik paketi kúsheitiletinin aitty, dep habarlaidy "Ult aqparat" vedomstvonyń baspasóz qyzmetine silteme jasap.
Naryqtyq ekonomikadaǵy memlekettik qyzmetshilerdiń tartymdylyǵy men kásibiligin arttyrý maqsatynda olardy qoldaý úshin keshendi shara qabyldaý qajet. Bul týraly MQIA tóraǵasy Anar Jaiylǵanova agenttiktiń keńeitilgen keńesinde aitty.
«Damyǵan elder tájiribesi kórsetkendei, ońtailandyrylǵan áleýmettik jeńildik paketteri men kepildikter memlekettik qyzmetke joǵary sanattaǵy mamandardy tartýǵa kómektesedi», - dep atap ótti tóraǵa.
Anar Jaiylǵanova agenttikke tiesili aýmaqtyq bólimshe basshylaryna jergilikti organdardaǵy memlekettik qyzmetshilerdiń óz jumysyna kóńili tolatyn-tolmaitynyna taldaý júrgizip, bir ai kóleminde usynystardy engizýdi tapsyrdy.
Memlekettik qyzmetshilerdi qoldaý sharalaryn ázirleý Prezident Qasym-Jomart Toqaevtyń «Igilik barshaǵa! Sabaqtastyq. Ádildik.Órleý» sailaýaldy baǵdarlamasy men «Birge» jalpyulttyq aktsiiasynda qarastyrylǵan.
