Qazaqstanda memlekettik qyzmetshiler úshin kiberqaýipsizdikten onlain-kýrstar ótkiziledi. Bul týraly QR Tsifrlyq damý, innovatsiialar jáne aeroǵarysh ónerkásibi ministrliginen málim boldy, dep habarlaidy "Ult aqparat".
Atap aitqanda, ministrlik Cisco jelilik akademiiasymen birlesip, memlekettik qyzmetshiler úshin onlain oqý kýrstaryn uiymdastyryp otyr. Mundaǵy basty maqsat - qyzmetshilerdiń aqparattyq qaýipsizdikke tónetin qaýip-qaterlerden habardar bolý deńgeiin arttyrý.
«2019 jylǵy 1 shildeden 1 qazanǵa deiin Qazaqstannyń 20-dan astam memlekettik jáne 17 jergilikti atqarýshy organdarynyń memlekettik qyzmetshileri tegin oqytylady. 5 aptaǵa eseptelgen oqytý baǵdarlamasy 5 bloktan turady», - delingen vedomstvo málimetinde.
Cisco jelilik akademiiasynyń oqý baǵdarlamasyna qatysýǵa niet bildirýshi memlekettik qyzmetshiler baǵdarlama saityna kirip, tirkele alady.
Qazaq tilinde oqýshylar myna, sondai-aq orys tilinde oqýshylar úshin osy silteme arqyly tirkelý qajet.
