Memlekettik qyzmet isteri agenttiginiń tóraǵasy Anar Jaiylǵanova «Ortalyq Aziiadaǵy turaqty damý maqsattary jáne COVID-19 syn-qaterleri» atty halyqaralyq onlain-konferentsiiaǵa qatysty.
Agenttik tóraǵasy konferentsiianyń «memlekettik basqarý jáne qazirgi ýaqyttaǵy senim» taqyrybyndaǵy paneldik sessiiasynda sóz sóilep, pandemiia kezinde memlekettik apparattyń tiimdi jumys isteýi úshin uiymdastyrylǵan is-sharalar týraly aitty.
«Memleket basshysy Q.Toqaev atap ótkendei, «Pandemiia barlyq memleketter úshin stress-testke ainaldy». Alaida, biz, kóptegen basqa elder siiaqty, jinaqtalǵan tájiribeni eskere otyryp, óz jumysymyzdy bir júiege qoiyp, qaita qura aldyq. Áleýmettik-ekonomikalyq turaqtylyqty qamtamasyz etý jáne turǵyndardy qoldaý boiynsha birqatar sharalar qabyldandy. Bul baǵytqa 450 mlrd. tenge bólindi, Elbasy, Tuńǵysh Prezident N.Á.Nazarbaevtyń bastamasy boiynsha «Birgemiz» qorynyń birjolǵy qarjylai qoldaýymen 550 myńnan astam otbasyǵa qoldaý kórsetildi», - dedi Anar Jaiylǵanova.
Sonymen qatar, MQIA basshysy pandemiia kezeńinde qysqa merzimde memlekettik apparattyń úzdiksiz jumys isteýin qamtamasyz etýge jáne memlekettik qyzmetshilerdiń densaýlyǵyn saqtaýǵa baǵyttalǵan jumys tiisti deńgeide júrgizilgenin atap ótti.
Sondai-aq, agenttik tóraǵasy:
«Memlekettik apparatty jedel tsifrlandyrý, onyń fýnktsiialaryn ońtailandyrý, normashyǵarmashylyq jumys, memlekettik josparlaýdy qaita qaraý jáne t. b. boiynsha sharalar qabyldanýda. Sonymen birge, qazirgi pandemiia - tiimdi memlekettik basqarý men kommýnikatsiialar daǵdarysqa qarsy sharalar tabysynyń negizgi elementteri bolyp tabylatynyn kórsetti» - dedi .
Atalǵan onlain-konferentsiia Nazarbaev ýniversitetiniń joǵary memlekettik saiasat mektebi men Memlekettik qyzmet salasyndaǵy Astana habynyń bastamasy boiynsha ótkizildi.
Is-shara qatysýshylarǵa Covid-19-dan keiingi kezeńde Ortalyq Aziiadaǵy turaqty damý maqsattaryna bailanysty problemalardy talqylaýǵa jáne sheshimder tabýǵa, sondai-aq ǵalymdar men praktikter arasynda kommýnikativtik alań qurýǵa múmkindik berýge arnalǵan.
Atalǵan onlain-sessiiaǵa BUUDB-nyń Qazaqstandaǵy turaqty ókili Iakýp Berish, AQSh, Ulybritaniia, Singapýr, Italiia, Grekiia, Litva jáne Grýziia sarapshylary men ǵalymdary qatysty.
