2021 jyl elimizde jalpyǵa birdei deklaratsiialaýdy engizýdiń birinshi kezeńiniń basy bolmaq. QR QM Memlekettik kirister komitetiniń baspasóz qyzmeti memlekettik qyzmetshilerdiń aǵymdaǵy jyly qandai deklaratsiiany tapsyrýy kerektigin túsindirdi, dep habarlaidy "Ult aqparat".
Jalpyǵa birdei salyqtyq deklaratsiialaý engizilgenge deiin memlekettik qyzmetshiler, olarǵa teńestirilgen adamdar, olardyń jubailary jyl saiyn memlekettik kirister organdaryna 230.00 nysany boiynsha tabystary men múlki týraly deklaratsiialardy tabys etetin.
Alaida, 2021 jylǵy 1 qańtardan bastap tabystary men múlki týraly deklaratsiiany (230.00-nysan) usyný boiynsha talaptar toqtatylady.
Bul 2021 jyly atalǵan tulǵalardyń 2020 jylǵy 31 jeltoqsandaǵy jaǵdai boiynsha aktivteri men mindettemelerin kórsete otyryp, 250.00-nysandaǵy aktivter men mindettemeler týraly deklaratsiiany usyný mindettemesiniń týyndaýyna bailanysty.
Deklaratsiia turǵylyqty jeri (kelý orny) boiynsha:
- qaǵaz nusqada tapsyrylǵan jaǵdaida – 2021 jylǵy 15 shildeden keshiktirmei;
- elektrondy túrde tapsyrylǵan jaǵdaida – 2021 jylǵy 15 qyrkúiekten keshiktirilmei tapsyrylýy tiis.
2020 jyly múliktik tabysty, Qazaqstan Respýblikasynan tys jerlerdegi kózderden tabysty jáne Salyq kodeksiniń 363-babynda kózdelgen ózge de kiristerdi alǵan jaǵdaida atalǵan tulǵalar ornalasqan (turǵylyqty) jeri boiynsha salyq organyna jeke tabys salyǵy boiynsha deklaratsiiany (240.00-nysan) tabys etetinin eskerý qajet. Bul deklaratsiiany tapsyrý merzimi - 2021 jylǵy 31 naýryz. 2022 jyldan bastap mundai kirister 270.00- nysandaǵy deklaratsiiada kórsetiledi.
Eger jeke tulǵa qatelesip, 2020 jylǵa arnalǵan 230.00-nysandaǵy deklaratsiiany tapsyrsa, onda mundai deklaratsiia keri qaitarylyp alýy tiis.
Eske sala keteiik, aǵymdaǵy jyl elimizde jalpyǵa birdei deklaratsiialaýdy engizýdiń birinshi kezeńiniń basy bolady, dep habarlady QR QM Memlekettik kirister komitetiniń baspasóz qyzmeti.
Salyq Kodeksinde jalpyǵa birdei deklaratsiialaýdy tórt kezeńmen júzege asyrý qarastyrylǵan.
Birinshi kezeńde (2021 jylǵy 1 qańtardan bastap):
- jaýapty memlekettik laýazymdy atqaratyn adamdar men olardyń jubailary (zaiyptary);
- memlekettik fýnktsiialardy oryndaýǵa ýákilettik berilgen jáne olarǵa teńestirilgen adamdar, sondai-aq olardyń jubailary (zaiyptary);
- «Qazaqstan Respýblikasyndaǵy sailaý týraly Qazaqstan Respýblikasynyń Konstitýtsiialyq Zańyna jáne «Sybailas jemqorlyqqa qarsy is-qimyl týraly», «Qazaqstan Respýblikasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblikasynyń Zańyna sáikes tabys etý mindeti júktelgen adamdar deklaratsiia tapsyrýǵa mindetti.
