Qylmystyq jáne azamattyq protsesterdiń tsifrlyq formatqa kóshirilýine bailanysty memlekettik qyzmetkerlerge memlekettik organ ǵimaratynda smartfon qoldanýǵa qaitadan ruqsat berýi múmkin, - dep habarlaidy kaz.tengrinews.kz tilshisi.
"Iá, árine, tsifrlyq format yqshamdyqty qajet etedi. Sondyqtan ol másele de qarastyrylatyn shyǵar", - deidi QR Bas prokýrorynyń orynbasary Marat Ahmetjanov Májilis otyrysynan tys jerde.
Munyń aldynda Ahmetjanov tsifrlyq formatqa ótý tergeýshilerge qolaily bolý úshin emes, qoǵamǵa qajet ekenin aitqan. Degenmen QR IIM ókilderi elektrondy tergeý júiesine ótý úshin áli tehnikalyq jabdyqtalý deńgeii ázirshe tómen ekenin málimdegen.
Eske salaiyq, 2016 jyldyń naýryzynda basrlyq memlekettik organda qyzmetkerler men kelýshilerge mobildi qurylǵylardy (smartfon, planshet, smart-saǵattardy) paidalanýǵa tyiym salynǵan edi. Bul shara memlekettik qyzmetkerlerdiń jumys barysynda mobildi qurylǵylardy belsendi paidalaný men aqparattyń WhatsApp arqyly syrtqa shyǵyp ketýine bailanysty qabyldanǵan.
