Qoldanbaly etnosaiasi zertteýler institýtynyń direktory Talǵat Qaliev Qazaqstandaǵy sybailas jemqorlyq problemasyna qatysty pikir bildirdi, dep habarlaidy QazAqparat.
«Sybailas jemqorlyqtyń túbi tereń de jatyr, Keńes ókimeti dáýirinen qalǵan mura sekildi. Jemqorlyq tek para berý nemese alý ǵana emes, ol degenimiz protektsionizm. Meniń bul jerde, máseleni sheshý úshin keshendi kerek. Jáne memlekettik qyzmetkerlerdiń oilaý paradigmasyn túbegeili ózgertý qajet. Eldegi jappai tártipsizdikterden keiin halyq memlekettik qyzmetkerlerdiń is-áreketi men etikalyq qabiletine erekshe talap qoiyp jatyr. Qoǵamnyń qanshalyqty talapshyldyǵyn kórip otyrmyz. Jańa Qazaqstandy damytýda azamattyq belsendilik jáne sybailas jemqorlyqpen qoǵam bolyp kúresý arqyly máseleni sheshemiz dep oilaimyn», - dedi Talǵat Qaliev.
Institýt basshysynyń aitýynsha, sybailas jemqorlyqpen kúreste memlekettik júieni ózgertse qoǵamnyń da qatynasy ózgeredi.
«Jemqorlyqpen kúres jol sekildi, eki jolaqtan turady. Memleket basshysynyń saiasi kúshi men tapsyrmasynan bólek, qoǵamǵa da jaýapkershilik júkteledi. Sybailas jemqorlyqpen kúreste qoǵam da tabandylyq tanytý kerek», - deidi ol.
