Foto: pixabay.com
Memleket basshysy Qasym-Jomart Toqaev memlekettik qyzmetkerlerdi, áskeri qyzmetkerlerdi, politsiia qyzmetkerleri men qutqarýshylardy oiyn oryndaryna barýdan bas tartýdy mindetteitin jarlyqqa qol qoidy, - dep habarlaidy Tengrinews.kz saity.
Jańa qujat Prezidenttiń burynǵy keibir jarlyqtaryna tolyqtyrýlar engizdi.
"Qazaqstan Respýblikasy Qarýly Kúshteriniń, basqa da áskerleri men áskeri quralymdarynyń jalpyáskeri jarǵylaryn bekitý týraly" 2007 jylǵy 5 shildedegi № 364 Jarlyqta jańa tarmaq engizildi: "Áskeri qyzmetshi qyzmettik mindetterin atqarýmen bailanysty jaǵdailardy qospaǵanda, oiyn mekemesine barýdan bas tartýy tiis".
"Memlekettik qyzmetshilerdiń ádep normalary men minez-qulyq qaǵidalaryn odan ári jetildirý jónindegi sharalar týraly" 2015 jylǵy 29 jeltoqsandaǵy № 153 Jarlyqta memlekettik qyzmetshilerdiń Ádep kodeksinde: "Qyzmettik mindetterin atqarýmen bailanysty jaǵdailardy qospaǵanda, oiyn mekemesine barýdan bas tartý" tarmaǵy qosylady.
"Quqyq qorǵaý organdary, azamattyq qorǵaý organdary jáne memlekettik feldegerlik qyzmet qyzmetkerleriniń Ádep kodeksin bekitý týraly" 2023 jylǵy 2 qańtardaǵy № 81 Jarlyqta quqyq qorǵaý organdary, azamattyq qorǵaý organdary jáne memlekettik feldegerlik qyzmet qyzmetkerleriniń Ádep kodeksinde sondai-aq: "Qyzmettik mindetterin atqarýmen bailanysty jaǵdailardy qospaǵanda, oiyn mekemesine barýdan bas tartý" tarmaǵy qosylady.
Qaýly alǵashqy resmi jariialanǵan kúninen keiin 10 kúntizbelik kún ótken soń qoldanysqa engiziledi.
