QR Memlekettik qyzmet isteri agenttiginiń tóraǵasy Anar Jaiylǵanova memlekettik qyzmetke qabyldaý salasyna engizilýi múmkin moratorii týraly pikir bildirdi, dep habarlaidy QazAqparat.
«Shynyna kelgende bul turǵyda moratorii týraly aitýǵa áli erte. Biz ol týraly oilaǵanbyz. Alaida moratorii boiynsha túpkilikti sheshim áli qabyldanǵan joq. Sebebi biyldyń ózinde Memleket basshysynyń tapsyrmasyn (memlekettik apparatty 25 paiyzǵa qysqartý týraly) jospar boiynsha kedergisiz oryndaimyz», - dedi dedi Anar Jaiylǵanova OKQ-da ótken baspasóz máslihatynda.
Agenttik basshysynyń aitýynsha bul másele áli talqylaý deńgeiinde ǵana tur.
«Prezident Ákimshiligi tarapynan naqty sheshim bolǵan jaǵdaida qosymsha habarlaimyn», - dedi ol.
Eske sala ketsek buǵan deiin Anar Jaiylǵanova memlekettik apparatty qysqartýǵa qatysty jumys josparymen bólisken bolatyn.
«Biz moratorii jariialamaqpyz. Másele zerttelip, maquldaý satysynda tur. Belgili bir ýaqyt ishinde eshkimdi memlekettik qyzmetke qabyldaý konkýrstaryna moratoii jariialamaqpyz. 2020 jyldyń sońyna deiin, 2021 jylda da solai bolatyn sekildi. Sebebi qysqartý týraly aitýmen qatar jumysqa azamattardy alý durys emes», - degen edi Anar Jaiylǵanova Prezidenttik jastar kadrlyq rezervindegi azamattarmen elordadaǵy kezdesý barysynda.
