QR Memlekettik hatshysy Qyrymbek Kósherbaev Qazaqstan halqy Assambleiasynyń damý baǵyttaryn atady, dep habarlaidy QazAqparat.
«Assambleia budan ári de qoǵamyq kelisim men birlikti nyǵaitýǵa baǵyttalǵan memlekettik saiasattyń júiequraýshy institýty ári negizgi elementi retinde damýy kerek. Birinshi kezekke Assambleia jumysyn qoǵamdyq buqaralyq kommýnikatsiia tetigi retinde qamtamasyz etý mindeti shyǵyp otyr. Ol úshin qoǵamdyq uiymdar men etnomádeni birlestikter áleýmettik aqparattyń keń aýqymdy alańdaryna shyǵýy kerek. Sapaly aqparattyq-túsindirý jumystary arqyly qoǵamdyq sananyń táýelsizdikke tirek bolatyn birlik máselesine transformatsiialanýyn qamtamasyz etý qajet», - dedi Qyrymbek Kósherbae QHA keńeitilgen otyrysynda.
Sondai-aq, ol qoǵamnyń qurylymyndaǵy etnikalyq alýandyqtyń jaǵymdy tájiribelerin engizip, jaǵymsyz stereotipterdi joiýdyń mańyzyna toqtaldy.
«Bárinen buryn Assambleianyń 29-sessiiasynda belgilengen biregeilik pen birlikti damytýdyń jańa kezeńinde memlekettik saiasat qaǵidattaryn túsindirý jáne engizý jónindegi, sondai-aq osy salada halyqty keńinen aǵartý jónindegi júieli jumysty uiymdastyrý qajet», - dep atap ótti Memlekettik hatshy.
