Memlekettik hatshy Qyrymbek Kósherbaevtyń tóraǵalyǵymen onlain formatta 2020 jylǵy Qazaqstan Respýblikasynyń Abai atyndaǵy ádebiet pen óner salasyndaǵy memlekettik syilyǵyn berý jónindegi komissiianyń alǵashqy otyrysy ótti.
Memleket basshysynyń 2020 jylǵy 24 naýryzdaǵy №292 Jarlyǵymen Qazaqstan Respýblikasynyń ádebiet pen óner salasyndaǵy memlekettik syilyǵynyń ataýy Qazaqstan Respýblikasynyń Abai atyndaǵy ádebiet pen óner salasyndaǵy memlekettik syilyǵy dep ózgertilgenin atap ótýimiz kerek.
Eki jylda bir ret, sondai-aq, qazaqtyń uly aqyny, oishyly Abai Qunanbaiulynyń mereitoilary ótetin jyldary Qazaqstan Respýblikasynyń Abai atyndaǵy ádebiet pen óner salasyndaǵy eki memlekettik syilyǵy beriledi.
Komissiia otyrysynda ádebiet, kino, teatr, mýzyka, sáýlet jáne beineleý óneri salalary boiynsha atalǵan Memlekettik syilyqqa usynylǵan 39 jumys qaraldy.
Komissiia otyrysy aiasyndaǵy jasyryn daýys berý qorytyndysy boiynsha konkýrstyq irikteýdiń sheshýshi kezeńine ótken úmitkerler anyqtaldy.
.jpeg)