Qaryzǵa alǵan qarajatty belgilengen merzimde igermegeni úshin jaýapkershilik engiziledi. Bul týraly Parlament Májilisiniń jalpy otyrysynda biýdjet zańnamasyn jetildirý týraly qujatty qaraý kezinde Ulttyq ekonomika ministri Áset Erǵaliev málim etti, dep habarlaidy "Ult aqparat".
«Memlekettik qaryz alýdy jetildirý aiasynda qaryzǵa alǵan qarajatty belgilengen merzimde igermegeni úshin jaýapkershilik engiziledi. Sonymen qatar, jergilikti atqarýshy organdarǵa úshinshi tulǵalar úshin boryshtyq mindettemelerdi qabyldaýǵa tyiym salynady», - dedi ministr.
Onyń aitýynsha, zań jobasynda naqtylaý sipatyndaǵy túzetýler de kózdelgen.
«Respýblikalyq biýdjetti naqtylaý jaǵdailary aiqyndalatyn bolady. Áleýmettik-ekonomikalyq damý boljamynyń mazmunyn naqtylaý kózdeledi. Zań jobasyn qabyldaý, biýdjettik rásimderdi jetildirýge jáne biýdjetti atqarý sapasyn arttyrýǵa múmkindik beredi», - dedi Áset Erǵaliev.
