Májilis depýtaty Berik Dúisembinov kvazimemlekettik sektordy ashyq jumys isteýge jáne barlyq kiristeri men shyǵystary týraly qoǵam men Parlament aldynda esep berýge mindetteýge shaqyrdy, - dep habarlaidy Tengrinews.kz.
Májilismen premer-ministr Álihan Smaiylovqa depýtattyq saýal joldady. Ol kvazimemlekettik kásiporyndar biýdjeti men olardyń top-menedjerleriniń kirisi qoǵam úshin ashyq bolýy kerek ekeni týraly málimdedi.
"Áńgime ekonomikamyzdyń kvazimemlekettik sektor siiaqty orasan zor bóliginiń qoǵam aldynda ashyqtyǵy men eseptiligi týraly bolyp otyr. Sarapshylardyń baǵalaýy boiynsha, oǵan Qazaqstan ekonomikasynyń 60 paiyzynan asatyn 6,5 myń zańdy tulǵa kiredi. Kvazimemlekettik kásiporyndar kapitaly memlekettik biýdjetten milliardtaǵan somaǵa qalyptastyrylady jáne únemi tolyqtyrylyp otyrady.
Alaida bul aqshanyń qalai jumsalatyny, onyń ishinde keńseler men kólikterdi ustaý, syilyqtar men bonýstar qoǵamǵa da, parlamentke de belgisiz. Olardyń qandai tabys alatyny jáne bul tabystarǵa qalai ielik etetini belgisiz", - dedi depýtat Májilistiń jalpy otyrysynda.
Onyń aitýynsha, memlekettik qarajattyń bul bóligi biýdjetten tys jáne qoǵamnan jasyryn jumsalady.
"Dál sol jerde júieli zańbuzýshylyq bolyp, jemqorlyq órship tur. Ulttyq kompaniialar men memlekettik kásiporyndar memleket esebinen baqylaýsyz baiytýdyń qainar kózi boldy, sybailas jemqorlyq shemalary únemi bolady, menedjerler ózine birneshe million dollarlyq syiaqy jazyp, syrtqy qaryzǵa batyp jatyr. Sondyqtan da asa mańyzdy mindet - kvazimemlekettik kásiporyndardyń biýdjetin qoǵam men Parlamenttiń baqylaýyna qaitarý. Áitpese, qoǵam men parlament ekonomikanyń 60 paiyzynan túsetin tabysty kórmeidi. Bul jerde memleketten jasyrylǵan úlken resýrstar bar", - dedi ol.
Dúisembinovtyń pikirinshe, bul tek "Samuryq-Qazyna" qory týraly ǵana emes. Bul "Báiterek", "SQ-Farmatsiia", "Zerde", "Parasat" holdingteri nemese ÁKK siiaqty ministrlikter men ákimdikter janyndaǵy barlyq yqtimal RMK, AQ jáne JShS-lar.
Májilismen biýdjetter, shyǵystar men kirister barynsha ashyq bolýǵa, respýblikalyq jáne jergilikti biýdjetterge qosýǵa, al olardyń basshylyǵy qoǵam aldynda nátijeler týraly esep berýge tiis dep esepteidi.
"Ulttyq kompaniialar men memlekettik kásiporyndardyń barlyq taza paidasy biýdjetke túsýi kerek. Qajet bolǵan kezde basshylyq Parlamentke kelýge jáne árbir bap boiynsha shyǵyndar qajettiligin jariia túrde dáleldeýge tiis. Eger qurylǵannan keiin 5-10 jyldan keiin qandai da bir memlekettik kompaniia áli de memleketten aqsha surasa, onda ol memleket úshin emes, óz qaltasyna jumys isteidi", - dep esepteidi depýtat.
Berik Dúisembinovtyń pikirinshe, mundai kompaniialardy joiý kerek, óitkeni olardyń ornyna "óz aqshasyna jumys isteitin, tipti biýdjetke salyq tóleitin" jeke biznes keledi.
