Memlekettik emes jáne jeke kásiporyndar, uiymdar da qashyqtan jumys isteý rejimine kóshýi tiis. Bul týraly QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Birinshiden, barlyq mekeme, uiymdar múmkindigi bolsa, búkil jumysshylaryn qashyqtan jumys isteý tártibine aýystyrýy qajet. Keshe el Prezidenti búkil memlekettik organdardyń, kvazimemlekettik uiym qyzmetkerleriniń 70 paiyzyn qashyqtan jumys isteýi rejimine aýystyrý týraly tapsyrma berdi. Basqa memlekettik emes jáne jeke kásiporyndar, uiymdar da osy tártipke kóshýi qajet. Bul jumys tártibi Eńbek kodeksiniń 138-babymen retteletin bolady», - dedi ministri.
Onyń atap ótýinshe, mekemeniń, uiymnyń basshysy buiryǵyn shyǵarady jáne jalaqy tóleý tártibi ózgermeidi.
«Eger jumysshylardy qashyqtan jumys isteý rejimine aýystyrýǵa múmkindik bolmasa, jumys berýshi óz tarapynan qysqartylǵan jumys ýaqytyn belgileýge quqyly. Bul jaǵdai Eńbek kodeksiniń 70-babymen retteledi. Jumys berýshi apta ishinde jumys kúnin nemese bir kúngi jumys saǵatyn azaitýyna bolady. Bul rette jumys istep júrgen azamat jalaqyny sol jumys istegen saǵatyna bailanysty alatyn bolady», - dedi Birjan Nurymbetov.
Sonymen qatar ministrdiń sózine qaraǵanda, jumysyn múldem toqtatqan mekemeler jumysshylaryna eń tómengi jalaqydan tómen emes ailyq tóleýge mindetti.
Elimizdegi eń tómeni jalaqy kólemi - 42 500 teńge.
