Reseidiń Memlekettik Dýmasynyń tóraǵasy Viacheslav Volodin Nur-Sultanda biyl qyrkúiekte ótetin Eýraziia elderiniń parlamentteri spikerleriniń tórtinshi keńesine qatysady. Budan bólek, saiasatker aidyń ekinshi jartysynda Ózbekstanǵa barýdy josparlap otyr, dep jazady RIA Novosti.
Memlekettik Dýmanyń baspasóz qyzmeti habarlaǵandai, Volodin Ózbekstanǵa 16 qyrkúiekte barady. Onda jergilikti parlament múshelerimen kelissózder jáne el biligimen kezdesýler josparlanǵan.
Resei Federatsiiasynyń Federaldy jinalysynyń tómengi palatasynyń baspasóz qyzmeti atap ótkendei, 23-24 qyrkúiekte Volodin bastaǵan Memlekettik Dýma delegatsiiasy Nur-Sultanda Eýraziia qurylyǵyndaǵy integratsiia protsesteriniń alǵa ilgerileýin, onyń ishinde ekonomika salasyndaǵy jan-jaqty jobalardyń júzege asyrylýyn, tsifrlyq ekonomika men elderdiń tsifrlyq sýverenitetin damytýdy zańnamalyq turǵydan qamtamasyz etý, qorshaǵan ortany qorǵaý, terrorizmge qarsy is-qimyl jáne qaýipsizdikti nyǵaitý máselelerin talqylaidy.
