Qazaqstanda memlekettik bilim grantyna qujat qabyldaý merzimi taǵy bir kúnge sozylady, dep habarlaidy "Ult aqparat".
Aita keteiik, buǵan deiin Bilim jáne ǵylym ministrligi grant taǵaiyndaý konkýrsyna qatysý úshin qujat qabyldaý 25 shildede aiaqtalady dep josparlaǵan bolatyn.
«Alaida talapkerlerden qujat qabyldaý merzimin uzartý týraly ótinishter kelip tústi. Óitkeni qujat tapsyrýdyń sońǵy kúni jeksenbige keledi. Osyǵan bailanysty BǴM qujat qabyldaýdy taǵy bir kúnge – 26 shildege deiin uzartý týraly sheshim qabyldady. Qujattar joǵary oqý oryndarynyń virtýaldy qabyldaý komissiialary arqyly qabyldanatynyna nazar aýdarýlaryńyzdy suraimyz» delingen habarlamada.
Talapkerlerdiń densaýlyǵyn qorǵaý maqsatynda elimizdiń barlyq joǵary oqý oryndarynda virtýaldy qabyldaý komissiialary jumys isteidi.
Olardyń kómegimen konkýrsqa qatysý úshin qujattardy onlain formatta tapsyrýǵa bolady.
Virtýaldy qabyldaý komissiialarynyń tizimi myna siltemede.
