قازاقستاندا مەملەكەتتٸك بٸلٸم گرانتىنا قۇجات قابىلداۋ مەرزٸمٸ تاعى بٸر كٷنگە سوزىلادى, دەپ حابارلايدى "ۇلت اقپارات".
ايتا كەتەيٸك, بۇعان دەيٸن بٸلٸم جەنە عىلىم مينيسترلٸگٸ گرانت تاعايىنداۋ كونكۋرسىنا قاتىسۋ ٷشٸن قۇجات قابىلداۋ 25 شٸلدەدە اياقتالادى دەپ جوسپارلاعان بولاتىن.
«الايدا تالاپكەرلەردەن قۇجات قابىلداۋ مەرزٸمٸن ۇزارتۋ تۋرالى ٶتٸنٸشتەر كەلٸپ تٷستٸ. ٶيتكەنٸ قۇجات تاپسىرۋدىڭ سوڭعى كٷنٸ جەكسەنبٸگە كەلەدٸ. وسىعان بايلانىستى بعم قۇجات قابىلداۋدى تاعى بٸر كٷنگە – 26 شٸلدەگە دەيٸن ۇزارتۋ تۋرالى شەشٸم قابىلدادى. قۇجاتتار جوعارى وقۋ ورىندارىنىڭ ۆيرتۋالدى قابىلداۋ كوميسسييالارى ارقىلى قابىلداناتىنىنا نازار اۋدارۋلارىڭىزدى سۇرايمىز» دەلٸنگەن حابارلامادا.
تالاپكەرلەردٸڭ دەنساۋلىعىن قورعاۋ ماقساتىندا ەلٸمٸزدٸڭ بارلىق جوعارى وقۋ ورىندارىندا ۆيرتۋالدى قابىلداۋ كوميسسييالارى جۇمىس ٸستەيدٸ.
ولاردىڭ كٶمەگٸمەن كونكۋرسقا قاتىسۋ ٷشٸن قۇجاتتاردى ونلاين فورماتتا تاپسىرۋعا بولادى.
ۆيرتۋالدى قابىلداۋ كوميسسييالارىنىڭ تٸزٸمٸ مىنا سٸلتەمەدە.
