Foto: QR Mádeniet jáne aqparat ministrligi
Astanada Mádeniet jáne aqparat ministrliginiń qoldaýymen «Saltanat» memlekettik bi ansambliniń «Kún didarly — Qazaqstan» atty kontserti ótti. Kontserttik baǵdarlamada repertýarǵa jańadan engen qazaqtyń ulttyq jáne álem halyqtarynyń bileri sahnalandy, dep habarlaidy Ult.kz.
Ansambl kórermen nazaryna «Mońǵol bii», orys bii «Venzelia», ózbek bii «Horezm termálári», «Kóńildi serýen», «Jastyq jalyn», tájik bii «Idona», uiǵyr bii «Dolan», korei bii «Kalchým», tatar bii «Jenihi», qytai bii «Liming», sondai-aq «Jaryq», «El saltanaty», «Qyz qýý» siiaqty erekshe bi qoiylymdaryn usyndy.
Foto: QR Mádeniet jáne aqparat ministrligi
Sonymen qatar, kontsertte halyqaralyq jáne respýblikalyq baiqaýlardyń laýreattary Birjan Aitahmet, Asylhan Shalqarov, Aigerim Elemesova jáne Mádeniet salasynyń úzdigi Rahat Sársenov óner kórsetti.
Búgingi tańda «Saltanat» memlekettik bi ansambli – ulttyq horeografiia mádenietiniń bai murasyn jáne álemdik horeografiianyń alýan túrliligin tolyq nasihattai alatyn jalǵyz kásibi bi ujymy.
Aita keteiik, keler jyly «Saltanat» memlekettik bi ansambliniń qurylǵanyna 70 jyl tolady.
Foto: QR Mádeniet jáne aqparat ministrligi
