Elimizde Memlekettik basqarýdyń reformasynyń tujyrymdasy ázirlendi. Bul týraly QR Prezidenti Ákimshiligi basshysynyń orynbasary Timýr Súleimenov málim etti, dep QazAqparat.
«Damyǵan memleketterdiń naryqtyq ekonomikaǵa kóshkeni belgili, onyń qatarynda memlekettik basqarý da bar. Qazaqstan qazir sol jolda kele jatyr, degenmen bizde áli de bolsa memleket atqarady. Iaǵni ekonomikalyq-áleýmettik sheshimdi, eldiń damý baǵyty barlyǵy da tolyqtai memlekettiń qolynda. Memlekettik basqarýdyń formasyn ózgertý óte mańyzdy. Ol týraly Prezident te erekshe atap ótti. Búginde memlekettiń basqarý reformasynyń tujyrymdamasy ázirlendi. Tujyrymdama 1 jylǵa jýyq talqyǵa salyndy. Ol 2 bólimnen turady, birinshisi jalpy memlekettik basqarý, ekinshisi jergilikti ózin-ózi basqarý reformasy», - dedi Timýr Súleimenov.
Onyń aitýynsha, búginde atalǵan tujyrymdamany júzege asyrýdyń joldary naqtylanyp jatyr.
«Osy oraida memlekettik basqarýdyń jańa reformasyn júzege asyrýda prezidenttik jastar kadrlyq rezerviniń róli zor. Sebebi jańa ázirlengen tujyrymdamany odan ári júzege asyratyn jas kadrlar aramyzda otyr. Árbir memlekettik sheshimniń zańnama nemese reformanyń artynda adam tur. Qazaqstannyń jańa kelbetin qalyptastyrýda jastardyń orny erekshe. Jastar kadrlyq rezerv múshelerine aitarym, memlekettik basqarý baǵyytynda eldi alǵa jyljytatyn ideialaryńyz bolsa biz ony tyńdaýǵa, ol ideianyń iske asýyna qoldaý kórsetýge daiynbyz», - dedi ol.
Aita keteiik, qazir elordada Prezidenttik jastar kadrlyq rezerviniń forýmy ótip jatyr.
