Memleket basshysy Qasym-Jomart Toqaevtyń Jarlyǵymen Erlan Qýanyshuly Ábil Qazaqstan Respýblikasy Prezidentiniń janyndaǵy Memlekettik basqarý akademiiasynyń rektory bolyp taǵaiyndaldy, dep habarlaidy Aqorda.
Erlan Ábil Jezqazǵan taý ken-tehnologiialyq institýtyn támamdaǵan. Ekonomika ǵylymdarynyń kandidaty. Osy taǵaiyndaýǵa deiin Akademiia janyndaǵy Basqarma institýtyna basshylyq etken.
Eske sala keteiik, buǵan deiin QR Prezidentiniń janyndaǵy Memlekettik basqarý akademiiasynyń rektory bolǵan Áltaiyr Amangeldiuly Ahmetov qyzmetinen bosatylyp, Qazaqstan Respýblikasy Prezidenti Ákimshiliginiń Memlekettik basqarý bóliminiń meńgerýshisi bolyp taǵaiyndaldy.
